香港導賞團有咩選擇？世界地質觀光、城市漫步、跳島導覽、浮潛體驗... - Splitdyboat

July 12, 2026

香港導賞團有咩選擇？世界地質觀光、城市漫步、跳島導覽、浮潛體驗...一次睇晒！

閱讀時間：4分鐘

講起香港，好多人第一時間諗到嘅係高樓大廈、購物同美食。但其實，香港仲有一個好多人忽略嘅身份——世界級嘅自然同文化寶庫。想真正認識香港，參加一個專業嘅導賞團係最好嘅方式。

無論你係想探索1.4億年前嘅超級火山遺跡、漫步喺充滿歷史故事嘅舊城街道、跳島探索隱世地質奇觀，定係潛入海底同小丑魚一齊游水——香港嘅導賞團選擇應有盡有。以下幫你一次過睇晒香港最受歡迎嘅幾類導賞團，仲會重點介紹Splitdyboat嘅招牌海上體驗。

香港導賞團四大類型

1. 🌋 世界地質觀光導賞團｜近距離睇1.4億年火山岩柱

香港擁有聯合國教科文組織世界地質公園，仲係全球公認嘅地質寶藏。西貢火山岩園區嘅六角形岩柱群，係1.4億年前超級火山爆發形成，覆蓋面積超過100平方公里，係世界上最大嘅六角形火山岩柱群。

Splitdyboat嘅地質公園四洞火山觀光導賞團係呢類別嘅皇牌行程：

・快艇版（2小時）：適合追求刺激嘅你，快艇會極近距離駛向破邊洲嘅六角岩柱，天氣許可仲會高速穿越海蝕拱門

・遊艇版（4小時）：船身穩定、空間寬敞，特別適合家庭同長者，仲會安排登島漫步，親眼睇吓「菠蘿包石」同「天使之路」

行程會帶你探索東海四大名洞——橫洲小台灣洞、火石洲關刀洞、沙塘口山隧道洞、吊鐘洲吊鐘洞，全部係香港最壯觀嘅海蝕拱門。

2. 🏙️ 城市漫步導賞團｜發現旅遊書冇講嘅香港故事

如果你鍾意用雙腳感受一個城市嘅脈搏，城市漫步導賞團就最啱你。呢類導賞團唔會帶你去純購物，而係帶你走入社區，聆聽街角間唔為人知嘅故事。又或者走入地道漁村，感受最原始文化。

本地導賞員會帶你穿梭喺中環舊城區、深水埗、油麻地等地，了解香港由小漁村發展成國際都會嘅歷程。你會行過文武廟、荷李活道、中環自動扶梯等歷史地標，仲可以學到關於香港歷史、建築同日常文化嘅有趣知識。

部分城市漫步團仲會加入美食元素，例如喺米芝蓮餐廳品嚐點心，或者行勻地道街市試勻香港特色小食。

3. 🏝️ 跳島導覽團｜一次過探索多個隱世島嶼

香港由超過260個離島組成，好多島嶼只有水路可以到達，保留住最原始嘅自然風貌。跳島導覽團就係為咗探索呢啲隱世島嶼而設。

Splitdyboat嘅果洲群島跳島團由將軍澳南碼頭出發，方便直達。果洲群島擁有全世界密度最高嘅六角形火山岩柱群，行程會帶你登上北果洲同南果洲，近距離觀賞月球崖、大炮石、銀瓶頸、螺旋石級、虎口洞等奇特地貌。

另外，遊艇海灘跳島浮潛體驗團會帶你遊走較少人到訪嘅小島同幽靜海灣，欣賞清澈如玻璃嘅海水、隱秘珊瑚區同幼細沙灘，適合鍾意大自然同海洋嘅旅客。

4. 🐠 浮潛體驗團｜潛入海底探險

香港嘅海洋生態比你想像中豐富。西貢海域係香港六個官方珊瑚區之一，擁有多樣嘅珊瑚群落同色彩繽紛嘅熱帶魚類。

Splitdyboat嘅浮潛體驗團由專業教練全程帶領，新手都玩得：

NEMO小丑魚浮潛之旅（2小時）：喺清澈嘅西貢海水中浮潛，近距離觀賞數百條小丑魚喺珊瑚間游來游去，仲可以學到關於香港海洋生物嘅有趣知識

火山觀光＋珊瑚區浮潛雙體驗（3.5小時）：探索香港最大嘅仙人掌珊瑚區，仲會提供浮潛裝備同專業指導

小貼士：參加浮潛團記住帶泳衣、毛巾同防曬用品，仲要使用對海洋無害嘅防曬霜，保護珊瑚生態。

點樣揀一個好嘅導賞團？

參加導賞團之前，有幾個要點值得留意：

查核主辦機構嘅履歷：選擇信譽良好嘅導賞公司，網上騙徒好多，務必確認該公司是正常營運，有一定基礎及知名度。
了解行程內容同風險：仔細閱讀行程安排，包括活動地點、時間、交通安排同安全指引
留意惡劣天氣安排：生態導賞活動多喺戶外進行，容易受天氣影響，預先了解取消或改期嘅安排
按需要揀語言：部分導賞團提供粵語、普通話或英語導賞，揀一個你聽得明嘅語言，體驗會好得多

點解揀 Splitdyboat 導賞團？

Splitdyboat 由自然愛好者 Hansley 和 Kate 創立，團隊成員來自各行各業，但都因對香港大自然嘅共同熱愛而走在一起。佢哋唔止係導賞員，更係一班對香港地質同海洋生態充滿熱情嘅「講故佬」，會用生動有趣嘅方式，將1.4億年前嘅火山故事活生生呈現喺你眼前。

Splitdyboat 嘅導賞團有幾個與別不同嘅地方：

專業導賞，全程講解：所有導賞員都經過嚴格培訓，熟悉香港地質公園嘅每一塊岩石、每一段歷史。佢哋唔止講地質，仲會分享昔日漁民傳說、海岸線變遷，以至呢片土地點樣由火山口變成今日嘅世界級地質公園。有參加者分享：「導賞員沿途講解超級火山嘅形成故事與地質知識，令旅程既緊湊精彩，又充滿教育意義。」

適合全年齡，家庭友善：無論你係帶住小朋友定長者，Splitdyboat 嘅觀光團都完全啱玩。遊艇版行程船身穩定、空間寬敞，全程主要喺船上舒適觀景，就算有短暫登島步行環節，唔想落船嘅乘客都可以選擇留喺船上繼續歎風景。有參加過嘅旅客話：「呢個行程好適合小朋友及老人家，嗰日我帶咗朋友及親戚一齊去，大家都玩得好開心！」

持牌船隊，安全至上：Splitdyboat 使用持牌快艇及遊艇，並備有齊全保險，確保符合海事法規。船上提供多種尺寸嘅救生衣，適合唔同年齡嘅乘客，安全細節一絲不苟。船家經驗豐富，每當有其他船隻引起海浪，都會一直注意提醒乘客安全。

靈活彈性，一個人都有團：Splitdyboat 嘅導賞團冇最低成團人數要求——即使你一個人報名，只要有開團就可以出發！對於想參加本地導賞團但又怕唔夠人嘅旅客嚟講，呢點非常貼心。

全程貼心服務，幫你打卡影相：導賞員仲有一個重要任務——就係幫你喺最佳位置打卡影相！佢哋熟悉每個景點嘅最佳拍攝角度同光線，保證你 IG 出到靚相。

Splitdyboat 嘅宗旨好簡單：將香港最原始、最震撼嘅一面，介紹畀每一個願意出海嘅人。無論你係想認識地質、影相打卡，定係純粹想同屋企人度過一個悠閒嘅海上假期，Splitdyboat 都會用專業同熱情，為你創造一段難忘嘅回憶。由2022年創立開始，短短4年間已累積超過25萬粉海內外粉練，帶領超過60,000位客人重新認識香港！