香港週末剩係諗到行商場？香港世界級奇觀，靚到你以為去咗外國

June 19, 2026

香港每逢到週末，身邊朋友、伴侶又開始問：「假期有咩搞？有咩香港週末好去處？」然後通常得出嘅答案，離不開行商場、食放題、或者再去多次已經去過N次嘅離島。唔係話呢啲活動唔好，但如果你心底裡其實好想趁假期唞下氣，甚至想有少少「離開咗香港」嘅感覺，咁你需要嘅，係一個完全唔同嘅假期提案。

今次想同你介紹嘅，係一個好多香港人都聽過、但未必真正見識過嘅香港週末好去處——香港聯合國教科文組織世界地質公園。放心，呢度唔係一般印象中嗰種「行山行到身水身汗」嘅郊遊景點。你可以坐住快艇，喺海上近距離睇住億萬年前形成嘅六角形火山岩柱；你可以划住獨木舟，穿過巨型海蝕洞；你甚至可以用浮潛嘅方式，喺香港嘅玻璃海水下面睇珊瑚同魚仔。重點係，呢啲體驗你唔使飛、唔使請假，一日之內就可以完成，而震撼程度絕對唔輸外國景點。

不過坦白講，地質公園好多最靚、最值得睇嘅位置，一般市民係好難自己去到嘅。就算去到，冇人講解嘅話，望住啲岩石可能只係覺得「幾得意喎」，轉頭就唔記得。所以近年愈嚟愈多識玩嘅香港人，會選擇參加Splitdyboat嘅地質公園導賞團，將呢個世界級嘅香港週末好去處，變成真正難忘嘅一日遊體驗。

點解要跟 Splitdyboat 去？

Splitdyboat 係本地其中一個最受歡迎嘅地質公園導賞團隊，佢哋嘅玩法好簡單：由西貢碼頭出發，坐上專業快艇，由經驗豐富嘅導賞員帶你穿梭唔同海域。視乎你選擇嘅野，你會去探索糧船灣、破邊洲、果洲群島、甕缸群島呢啲一般街渡唔會到嘅地方，近距離睇住連綿不絕嘅六角岩柱，聽導遊即場講解呢啲岩石係點樣由億萬年前嘅火山爆發形成。成個過程唔係純粹「上船落船打卡」，而係好似上咗一堂流動嘅自然歷史課，但當然好玩好多。

Splitdyboat 有咩團可以揀？

因應唔同人嘅體力同興趣，Splitdyboat 設計咗幾種唔同類型嘅體驗，總有一款啱你：

1. 香港地質公園遊艇觀光團（舒適、全景、全年都可以玩）

適合任何年紀、任何體能狀況嘅人。全程坐豪華遊艇，唔使落水、唔使行山，喺寬敞舒適嘅環境下欣賞地質奇觀。遊艇會以最佳觀賞距離駛經糧船灣、破邊洲同甕缸群島，你可以企喺甲板、坐喺遮蔭位、甚至攤喺梳化上面，以全景角度飽覽六角岩柱群、海蝕洞同拱門岩石嘅壯麗景色。導遊會全程講解地貌形成嘅故事，船上空間充裕，節奏從容，最啱想悠閒享受、慢慢影相、輕鬆度過半日嘅你。

2. 香港地質公園快艇觀光團（安全、刺激：每年3月-10月，視乎風浪限定開放）

適合任何年紀、任何體能狀況嘅人。全程坐快艇，唔使落水、唔使行山，純粹用最舒服嘅方式欣賞地質奇觀。導遊會帶你睇晒重點地貌，包括六角岩柱、海蝕洞、拱門岩石等等，沿途詳細講解形成原因同背後嘅地質故事。如果你想搵一個「輕輕鬆鬆但又大開眼界」嘅假期活動，呢個團係首選。

🚤 Splitdyboat 快艇香港世界地質公園四洞火山導賞團(2小時)

3. 香港地質公園浮潛體驗團（夏日大熱：每年5月至10月）

呢個團每年夏天都極受歡迎，尤其係五月至十月盛夏，簡直係天時地利。Splitdyboat 會提供全套浮潛裝備，有專業教練帶住，就算你從來未試過浮潛都唔使擔心。西貢一帶水質清澈，當你親眼喺水中望見海底嘅珊瑚群落、熱帶魚同埋水底嘅岩石結構，你會有種「原來香港都可以靚到咁」嘅深刻感動。

🤿 搜尋香港所有浮潛體驗團

🤿 Splitdyboat 香港西貢遊艇海灘浮潛團(6小時)

4. 香港地質公園泳綑體驗團（探索、挑戰：每年5月至10月）

適合有基本體能同水性嘅參加者。泳綑係一種結合游泳同攀爬嘅海岸探索方式，由專業教練帶你沿住地質公園嘅海岸線，穿越海蝕洞、攀過岩石平台、探索隱秘海岸。你會戴上頭盔同救生衣，喺水陸之間穿梭，親手觸摸億萬年前形成嘅火山岩柱紋理。呢個團唔止係體能挑戰，更加係一次深度認識香港地質嘅獨特體驗，適合想玩得投入、想近距離接觸大自然嘅你。

🏊 Splitdyboat 香港世界地質公園雙洞泳綑體驗團(2小時)

5. 香港地質公園獨木舟探險團（多啲挑戰同互動：每年5月至10月）

俾想多少少運動量、鍾意自己操控方向嘅朋友。由教練帶住，自己划獨木舟進入海蝕洞，或者沿住壯麗嘅岩岸線前進。呢種近乎「零距離」貼近大自然嘅感覺，係坐船無法比擬嘅。而且沿途風景極度打卡able，對於鍾意影相拍片嘅人嚟講，呢個團基本上係一個流動嘅攝影棚。

🚣 搜尋香港所有世界地質公園獨木舟體驗團

🚣 Splitdyboat 香港世界地質公園果洲群島獨木舟體驗團(5小時)

6. 香港地質公園跳島體驗團：登陸秘境，親身踏足億萬年地質奇觀

如果你鍾意探索、想親身踏足香港最壯麗嘅地質景點，Splitdyboat嘅跳島體驗團就係你嘅首選。呢個團適合想由船上走到島上、親手觸摸億萬年岩石紋理嘅朋友，由專業導遊帶你登陸多個地質公園內嘅隱世島嶼，係一個結合觀光、探索同打卡嘅全方位體驗。

Splitdyboat提供兩條主打跳島路線，滿足唔同喜好嘅探險者。赤紅海岸跳島導賞團全長二點五小時，帶你前往黃竹角咀同赤洲，沿住超過四億年歷史嘅火紅色沉積岩海岸線前進。呢度嘅岩石呈現出罕見嘅「海上丹霞」地貌，赤紅色嘅山脈同粉色沙灘形成強烈視覺對比，係攝影愛好者嘅天堂。赤洲更加係香港首個發現恐龍化石嘅地點，被稱為「恐龍島」，沿途導遊會講解呢度嘅地質歷史同化石發現故事，令你嘅探索之旅充滿考古趣味。

果洲群島跳島導賞團則帶你前往地質公園內最壯觀嘅火山岩島嶼群。呢個團會探索果洲群島嘅北果洲及南果洲，除咗登島睇著名「月球崖」及「大炮石」，更加會環島觀光，獨特嘅海蝕拱門同六角形岩柱群，包括著名嘅「大灶口洞」同「虎口大洞」，你可以喺導賞員帶領下近距離觀賞呢啲大自然鬼斧神工嘅傑作，感受火山岩柱嘅雄偉氣勢。無論你揀邊條路線，跳島團都係一個可以親身踏足秘境、用雙腳感受香港地質歷史嘅難忘體驗。

🌋Splitdyboat 香港世界地質公園赤紅海岸跳島導賞團

🌋Splitdyboat 香港世界地質公園果洲群島跳島導賞團

一個充實而唔趕嘅七一假期可以咁樣安排

如果你諗住夏天週末留港玩，又驚假期出街同人迫，以下嘅一日行程建議可能啱你：朝早或者中午出發去西貢，參加 Splitdyboat 嘅其中一個導賞團（時間啱啱好半日左右），喺海上盡情享受香港另一種面貌。下晝返到西貢市區，去碼頭附近嘅海鮮酒家食餐好嘅，再喺海濱長廊散散步，睇住黃昏日落慢慢完結呢一日。成個行程有觀光、有體驗、有美食、有日落，節奏充實得嚟完全唔趕，成個感覺根本唔似留喺香港，仲以為自己去咗個短途旅行。